"اغنية تتر مسلسل نسل الاغراب

من صلب بعض على الورق
و فروعنا من طريقين
و الود في قلوبنا انحرق
عدا السلف و الدين
صدق اللي قال ان الزمن
لو تئمنه ينهيك
نسلك يا ادم من زمن
فيه الخسيس و الزين

دبحوا الاصول لجل الوصول
دول كدابين زفه
كتر السواد و عمى العباد
خلى القلوب جفه
عجبي على اللي عماه غروره
عايش سنينه خراب
اغراب و من نبت التراب
بميزان مالوش كفه

قصة قابيل عادها الخلف
صبحوا القلوب اغراب
ضاله الشموس جوه النفوس
عتمة سواد و سراب
عجبي على النسل اللي عاش
يحصد في زرع الغير
و في دمه داء نهب البشر
عنده الجشع غلاب

مركب و شايله دنس البشر
عايمه بشراع مكسور
و الخلق من شر العمل
بيعلوا سور و جسور
ارض السلام نزفت حروب
يا مخالف الفطره
الكره ليه في روحك بحور
و الحب بالقطره
حكم الغراب نشن و صاب
و اتصاب الووف باذاه
طبع الطمع صوته اتسمع
اصل النفوس شرباه

غناء : تامر حسني

كلمات : ساره سعيد

الحان : هيثم نبيل

توزيع : فهد الشلبي ( فهد )

مكس : فهد الشلبي ( فهد )

ماستر : علي فتح الله

السنة : 2021

"