"اغنية خوفي عليك

ما اخبر الا روحي عن عشقنا والغرام
ايه خايف هالخلايق انها تحسدني فيك ‏
اللي عنده خل مثلك اقسم انه ما يلام
لو يسوي ما يسوي من كثر خوفه عليك

متصل بعروق قلبي و نابت بصلب العظام
ومرتسم في وسط عيني ولا لك بكلي شريك
الحلو بحبنا جميعه ما يوصفه الكلام
و الحكي اكبر دليل بزحمته من التقيك

مهما هم شافوا علينا من علامات الهيام
ما اعرفو شاللي نكنه لا عليه ولا عليك
يكفي لرواح اتعانق بينها باحلى سلام
وقلبي اللي يطير فرحه لما يلمح ناظريك

وغيرتي تدري حبيبي ما هي حي الله كلام
ويل بس من هو يقرب بالخطا و ربي اليك
بكل نبضه وكل يوم و كل شهر وكل عام
تبقى وحدك يا حياتي اللي والله اموت ‏فيك

ربي يعلم ان قدرك عندي والله ما يسام
لو تاشر كل عمري ايه ابيعه واشتريك
و اطلب الله يا حبيبي ان علاقتنا تدام
باختصار انا احبك حب ما يخطر عليك

ملهمي في الحب عندي لك قدر عالي المقام
ولو اقدم لك هدية روحي شوية عليك
روض الغلا ملكك لحالك ممتلي بعشق وهيام
عشق ماله من نهاية لني كل يوم ابتديك

غناء : وليد الشامي

كلمات : اصايل

الحان : فايز السعيد

السنة : 2016

"